معجبوا منتديات جود على الفيسبوك

قديم 09-18-2011, 01:57 PM   #1

مدير عام



رواية حضنته لين خالطت انفاسي انفاسه بالكامل



الحب
تجربة وجودية عميقة تنتزع الإنسان من وحدته القاسية الباردة
لكي تقدم له حرارة الحياة المشتركة الدافئة


للحب.. معانى عظيمة وتعاريف عديدة تختلف من عا شق لأخر
فكل محب لدية تصور وتعريف
خاص لمعنى الحب


الحب يقراء والحب يسمع والحب يخاطبنا ونخاطبه ويسعدنا ونسعده
وهو عطراً وهمساً نشعر بسعادته إذا صدقناه في أقوالناوأفعالنا
بالحب تصبح ا لحياة جميلة لكي نحقق أهدافاً قد رسمناها
ولكن ما يقلق العاشقين فقط هو
احتمال أن تكون الأقدار تخبئ لهم فراقاً لم يكن في حسبان
أي
منهم


ليس الحب هو الذي يعذبنا ، ولكن من نحب





_ الفصل الأول_




في احد مناطق الشرقيه الراقيه وفي احد شوراعها
كان في قصر ضخم تعكس عليه ضوء الشمس من ضخمته وكبره
والحديقه كانت جميله بمعنى الكلمه كل انواع الورود الفل والياسمين والجوري كانت ولا اروع
والمساحه كانت كبيره بين الحديقه والقصر
فجأه سمع حارس القصر :طوووووووووووووووووط
طلع من غرفته وهو خايف
هيثم بعصبيه:ساعه تطلع
الحارس:آسف بس كنت
قاطعه هيثم:ماعلينا الوالد جا
الحارس:توه داخل قبلك
هيثم:طيب افتح الباب بسرعه
الحارس فتح الباب ورجع غرفته يكمل غداءه
مشى في السياره لمن وقف عند القصر نزل بكل غرور وكان لابس ثوب وغتره ولابس نظارات شمسيه
دق جواله
هيثم:الو... هلا حبيبتي
انفال:هلا حياتي....... شخبارك
هيثم ابتسم:تمام...... وانتِ
انفال بحب:من بعد ماسمعت صوتك
هيثم:هههههههههههههههههههههههههههههه
انفال:تضحك وانت اللي مجنني في حبك
هيثم بغرور:لأنك جننتيني قبل مااجننك
انفال:ههههههههههههههههههههه
هيثم:فديت هالضحكه
انفال:اوكي حبيبي امي تنادي عشان الغدا اكلمك بعدين
هيثم:بالعافيه بس لاتاكلين واجد عشان ماتنتفخين بعدين بتركك
انفال:ياسلام عنادا لك مو بس اكل واجد الا اغسلهم غسال
هيثم:جربي وشوفي اذا شفت كرشتك شفتي الواجه اخليك تدورينها عشر مرات من غير مويه
انفال شهقت:حرام عليك
هيثم:كيفي زوجتي وماابيها منتفخه
انفال:مابعد اصير زوجتك
هيثم بأبتسامه:قريب انشالله يالله ترى الشمس احرقتني من كثر ماانا واقف
انفال:ههههههههههههههههههههههههه رجعت من الشغل
هيثم:إي وتوني بدخل الا دقيتي
انفال:هههههههههههه حتى انت اخرتني على امي الحين انزل لها وتسفلني
هيثم:تستاهلين محد قالك تتأخرين عليها
انفال بتهديد:كذا
هيثم:يمه وش بتسوين مو انا اللي اتهدد انا هيثم سعود
انفال:مغرور بس بعد احبك واموووووت فيك
هيثم:ههههههههههههههههههههه عارف مايحتاج تقولين
( هيثم شاب وسيم وجذاب مرررررررره يطيح الطير من السما....... عمره27 مغرور وكلمه مغرور قليله بحقه ...... عنيد اذا حط براسه شي لازم يسويه لو تكلفه حياته ومزاجي..... يشتغل في شركه ابوه واعمامه)


$$$$$$$$$$$$$$$$$$$$$$$
.................................................. .................................................. .........

{في الصاله}


جالسه ام هيثم بروحها تطالع التلفزيون دخل عليها بوهيثم والأبتسامه العريضه في وجهه
بوهيثم:السلام
ام هيثم بادلته الأبتسامه:وعليكم السلامه
جلس جنبها وغمز لها:شخبارك
ام احمد انحرجت:الحمدلله بخير
(بو هيثم عنده شخصيتين شخصيه القوي والعصبي والحاد في الشركه ومايتفاهم معاه احد يخافون منه اذا قال الكلمه مايعديها مره ثانيه والشخصيه الثانيه في البيت غيييييييييييير يكون طيب بالمره ويحب عياله وزوجته يموووت فيها رغم انهم جابوا عيال ومر خمسه وعشرين سنه من تزوجوا
عمره 45 رغم كبره الا انه احمر البشره وجميل ويحب زوجته تغار عليه)


(ام هيثم طيبه لأبعد حد وحبوبه مررررررررره اهم شي عندها في حياتها زوجها وعيالها بس بعد تحب عيال اختها بس مافي اغلى من الضنه
عمرها 42 هي بيضا البشره وجميله بس زوجها احلى منها عندها اربع اولاد وبنت)




هيثم:انت مامليت من كثر ماتغازلها !!خمس وعشرين سنه تغازل فيها...
ام هيثم انحرجت
بو هيثم:وانت من وين طلعت لنا؟؟ وبعدين وش دخلك زوجتي وانا حر
هيثم:أحلى ياام هيثم زوجك للحين يحبك
بوهيثم:واموووووووت فيها عندك مانع
ْْْام هيثم صار وجها طماط ْْْْْ
ام هيثم:عن اذنكم بروح اشوف الغدا
هيثم جلس جنب ابوه:احرجت هيفاء"ام هيثم"انا مااقدر على زعلها
بو هيثم بعصبيه:وشو هيفاء !!انت ماتستحي ماتربيت ماتعرف تقول يمه
هيثم:هههههههههههه يبا شفيك عصبت ادلعها
بوهيثم:لا محد يدلعها الا انا
هيثم غمز له:حتى عيالها اللي اوهم عيالك
بو هيثم:حتى من نسمه الهوا
رفال:اموووووووووووووت انا على الرومنسيه
وراحت عند ابوها وباسته:هاي دادي
هيثم:دادي في عيونك هذا بدال ماتقولين سلام المسلمين
رفال:بدى المفتي
هيثم بعصبيه:ريفالوه ابلعي لسانك لأجي واقصه لك
بو هيثم بعصبيه:لا قوم واضربها بعد
’’’’رفال طالعته بنظره نصر وهو اشر لها انه بعدين حسابها معاه’’’’
(رفال تدرس ثالث ثانوي علمي عمرها 19 المفروض سنه اولى جامعه بس تأخرت في التسجيل بنت مررره نعومه ودلوعه اجتماعيه مابقى احد في المدرسه ماتعرفه حبوووووبه وحساسه مره وعلى طول دمعتها على الباب ........
جميله وشعرها اشقر على بني حنطيه قريبه للبياض جسمه نحيف مايل للرشاقه..... عيونها ذباحه اخضر على تركوازي,, تهوى شي اسمه كتابة شعر,,)




.................................................. .................................................. ...........


&&&&&&&&&&&&&&&&


بيت بوفيصل

تحديدا في المطبخ




كانت ام فيصل"نوره" تسوي الغدا ووئام تساعدها
(وئام سنه رابعه تدرس في كليه العلوم "كيمياء"شخصيه غير اجتماعيه وغامضه سمراء بس مو مره مملوحه احلى مافيها شعرها الحرير عمرها 22)





ام فيصل:اقول غريبه .....جايه من الكليه تعبانه وتساعديني في الغدا ؟؟


(ام فيصل ماتعرف شي اسمه كره كل شباب العايله يمووووتون فيها واهي اكثر وحده يشكون لها همومهم
بمعنى اصح نابعه للحب والأخلاص بس احيانا تعصب من عيالها عمرها 39 عندها ست بنات وولدين تتعرفون عليهم من خلال القصه)



وئام:هههههههههه والله صدق ماينعرف لك اذا ماساعدناك قلتي ليش ماسعدتوني واذا ساعدناك قلتي غريبه
ام فيصل:عن الهذره الزايده وين روز وئام:والله مكبره المخده ام فيصل:لاحول منها هذي مدري متى تتعدل وتصير حرمه هذا بدال ماتصير في المطبخ تطبخ عني الغدا!!! هي الحين في سن زواج بكره وش بقول عنها زوجها بنت بو فيصل ماتعرف تطبخ؟؟ ها البنت بتجنني لافالحه بدراسه ولا مطبخ بس فالحه تسوي حلويات...... شكل اذا قالها زوجها ابي غدا بتروح تحط له كيك
(روز ماتعرف تطبخ ولاحتى بيض بس شاطره وفنانه بأنواع الحلويات اللي البعض منهم تجيبهم بالنت أو الكتب)
وئام ماقدرت تمسك نفسها وماتت من الضحك
ام فيصل:ضحكتي من سرك بلى وئام:آسفه يمه بس...... من عمرها روز ماتحب الدراسه ولاالطباخ؛؛
ام فيصل:ماعليك منها اذا انخطبت شوفي كيف بتحب الطباخ ..وبعدين تقول يمه تكفين علميني
وئام بابتسامه ناعمه :بس والله اهي اللي تنقذنا في الحلويات اذا جانا ضيوف
ام فيصل:أي قعدي دافعي عنها اهي موكلتك محامي تدافعين عنها اذا ماكانت موجوده
وئام:ماعلينا منها الحين .....الا قولي لي شخبار غرام من زمان ما دقت علي!!!
ام فيصل:يابعد نظري والله هل البنت البيت بدونها مايسوى شيء
وئام:آفاااا يمه ماهقيتها منك واحنا وين رحنا والا اهي معزتها خاصه
ام فيصل:لاوالله كلكم معزه وحده بس تعرفين مشتاقه لها من زمان ماشفتها
وئام:الا يمه ماقال لك ابوي متى ترجع ؟؟
ام فيصل:الا يقول الحين اهي باقي لها اخر كوفس مدري روكس المهم الشي اللي يسمونه اذا قربوا يخلصون
وئام وهي تضحك:هههههههههههههه الله يهديك يمه كورس
ام فيصل:المهم هذا هو وئام:الاصح انتِ اي سنه وقفتيِ دراسه ؟؟
ام فيصل:درست لمن ثاني ابتدائي ....ليش تسالين!!! وئام:لابس اسأل..... الا ليش وقفكم حتى خالاتي ماكملوا
ام فيصل:والله في زمانه كانوا يقولون البنت مستقبلها في بيت زوجها مو في دراستها
وئام:يعني انتِ متى تزوجتي أبوي
ام فيصل:16سنه وئام:الله صغيره يعني كبر لمى أختي
ام فيصل :ايه تقريبا ..........اصلا أول ماكانوا ياخذون راي البنت الكلمه الأولى والأخيره للأبو مش الحين اختربت الدنيا لازم البنت توافق وتتعرف عليه وخطوبه ويشوفها وتشوفه
(ام فيصل وتشوف الجدر حق الغدا)
ياحسره انا ماشفت ابوك الا في ليله العرس وئام استانست مع أمها:هههههههههههه هذاك قلتيها زمانكم
"و تذكرت سالفت أختها غرام"
الا يمه نسيت يعني متى بترجع غرام بالضبط
ام فيصل:بعد اسبوعين وئام بفرح: الله وناسه يعني خلاص بتبقى هنا ماراح ترجع امريكا مره ثانيه
ام فيصل بأبتسامه لأبنتها: لاماراح ترجع
وئام :يمه لازم نسوي لها حفله عشان تخرجها ورجعتها بسلامه ....طبعا مع الشهاده اللي ترفع الراس
ام فيصل: اكيد لازم بس........ ابوك يقول نسوي لها حفله مره وحده بمناسبه تخرجها وملكتها من فارس
وئام كأنه منكب عليها ماي بارد:وشو فارس ماغيره ولد خالتي هيفاء ؟؟؟؟
ام فيصل:ايه وئام بأستغراب:متى وشلون خطبها؟؟؟ غرام تعرف بالموضوع!!
ام فيصل:لاماتعرف.... وشوفي اياني وياك تجيبين السالفه لأحد خصوصا هي مانبي مشاكل خل ابوك هو اللي يفاتحها بالموضوع اذا رجعت
وئام (مسكينه ياغرام والله لو تدرين باللي راح يصير اذا رجعت كان قعدتي في امريكا على طول)

" وئام هي الوحيده اللي تعرف قصه حبها مع وائل لأنها طبعا القريبه في سنها صح ان روز بعد قريبه من سنها بس هي تثق في وئام اكثر"

أمها انبح صوتها من كثر ما نادتها :ويأموه وصمخ ماتسمعيني من اليوم وانا اناديك
وئام:آسفه يمه كنت قاعد افكر اشوي.... سمي بغيتي شيء
ام فيصل:ايه روحي قومي روز عشان تتغدى وشوفي اخواتك جاو من المدرسه
وئام:انشاالله يمه ترى ابوي وفيصل ماجاو من الشغل!!!
ام فيصل:ادري دقوا علي وقالوا تغادوا لأنهم بيجون العصر
وئام:طيب
وطلعت من المطبخ وهي تفكر باختها المسكينه غرام وأمها تكمل تجهيز الغدا


%%%%%%%%%%%%%%%%%



في امريكا (مدينه العشاق)

غرام ماسكه يدها بيده:خلاص حبيبي لاتزعل كلها اسبوع بعدين تلحقني
وائل قرب منها وصار عيونه في عيونها:آآآآه وانحرم من هالعيون!!
غرام:خلاص حبيبي لاتحرجني
(غرام قمه في الجمال والدلع اللي يشوفها يقول صدق انها من امريكا مو باين انها من السعوديه
بيضا وشعرها اشقر خلقه وعيونها سماويه غصب الواحد يطالع في عيونها ويدووووووووووخ
عمرها 21
هي لها سنتين تدرس في امريكا وبعد اسبوعين بترجع بقى لها كورس واحد وتتخرج بس..........)



وائل بصوت كل حب:احبك ..واموت فيك ...واهوى الهوا اللي تتنفسينه........ والتراب اللي تمشين فيه
غرام:هههههههههههههههههههههه الله الله ترى بعدين اشوف نفسي عليك
وائل:اذا بيجي منك المذله... انا متقبله
(وائل يدرس مع غرام في نفس الجامعه بس هو اكبر منها بسنتين يعني عمره امممممممممم 23 ذكي و جذاب كثيييييير ومره وسيم وكلمه حلو قليله بحقه والجامعه كلها تتكلم انهم احلى ثنائي)





.................................................. .................................................. ..............................





888888888888888888888888888888



نرجع للشرقيه مدينه الحر

راحت وئام لغرفه روز عشان تقومها زي ماطلبت منها امها



فتحت الغرفه
,,, واشهقت شهقه من قلب,,,,
’’كانت الغرفه ظلالالالالالالالالام دامس ولا نقطه نور باينه’’
’’وبارررررده مثل الثلج’’
وئام:حشى مو انسان دب قطبي وياليت عندك لحم هههههههههههههه"فاضيه"
روز كانت مبتسمه وهي نايمه:اممممممممممممممممممممممممممم
وئام قربت منها :بسم الله عليك حتى في احلامك مايخليك
روز للحين مبتسمه
وئام تهز فيها:روز قومي
روز وهي مغمضه:خلاص حبيبي... الحين اقوم واجهز لك الفطور
وئام ماقدرت تمسك نفسها وجلست على الأرض وهي ماسكه بطنها:هههههههههههههههههههههههه
فتحت نص عيونها وتدعي ربها انه ماكان حلم
بنبره كلها حزن:حلم!! ليش ياربي..... ليش!!1
وئام وقفت وجلست جنبها:روز شفيك وش"وجاتها الضحكه بس مسكتها"ووشو اللي حالمه فيه
رجعت راسها للمخده وعيونها تنزل منها دموع:آآآآه ياقلبي احبه ومعذبني .......حتى في احلامي يجيني
وئام:لحول على هثيمو مو راضي يخيلك تتهنين بنومك
روز ضربته بالمخده:هثيمو بعينك
وئام :لا والله صدق وش لك......... فيه هو مغرور وشايف نفسه مع انه حلوووووووو"وغمزت لها"
روز غارت:اقول اطلعي بره... ابي ارجع انام
"وغطت نفسها بالبطانيه"

وئام وخرت البطانيه وانحاشت ووقفت عند الباب:امي تقول قومي والا اهي بتجي وتقومك بطريقتها"الله يالشلخه"
روز:طيب روحي انتِ وانا بجي وراك
وئام:اكيد مو ترجعين مثل كل مره وتنامين
قامت تدور شي تضربها فيه
وئام:احط رجلي وانحاش اشوف العلل جاو من المدرسه والا لا
قامت روز بكسل وهي ودها ترجع وتكمل حلمها اللي موراضي يتحقق
اخذت دش بارد يصح صحها
طلعت من الحمام وهي لابسه روب احمر لنص ساقها والمنشفه على راسها
وقفت قدام المرايه تتأمل جمالها:ياربي انا حلوه ...وجسمي حلو.. ليش مايطالعني!! او حتى مايفكر فيني !!ليش؟؟
"وبدت تصيح"
(روز بنت نعوووووووووومه وتهبل ................
شعرها اسود وناعم حنطيه وجسمها حلوه ...........
عيونها آآآ ه عذاب وتصير احلى اذا حطت المكياج عمرها23 تحب هيثم من زمان وكانوا دايما يقولون انا,, هيثم لروز وروز لهيثم ,,,
وهذا الشي اللي علقها فيه اكثر وهو كان ياخذ الموضوع انه مجرد مزح يقولونه الحريم)





.................................................. .................................................. .....
*******************************




في الغدا
بو هيثم كان يأكل ام هيثم
وام هيثم منحرجه لأنه قدام عيالها:خلاص سعود
"بو هيثم" مو قدام العيال
بو هيثم:وانا ماسويت شي !!!
هيثم:كل هذا وماتسويت شي...... اجل لو سويت يمكن تبوسها قدامنا؟؟
رفال:هههههههههههههههههههههههه
بو هيثم:صدق انك قليل الأدب
إياد:ههههههههههههههه قديمه يبا قول شي جديد
هيثم:إياد توك جاي؟؟
إياد:وشرايك ماتشوف لابس البدله الرياضيه بموت من الفطيسه
ام هيثم:اليوم مافي حر
رفال:الا والله اليوم ام الحر والله ياخذهم البنات مايتروشون
إياد:لا يعني احنا اللي يتروشون...... كل الفصل ريحه حتى استاذن اختنق وماعطانا درس
هيثم:هههههههههههههههه والله فله.... اجل لا تتروش عشان مايعطونك درس
إياد:روح زين انشالله انكرف بالدروس ولا النظافه البدنيه
بو هيثم:بعدي طالع على ابوك تحب النظافه
هيثم يشم في نفسه:ليه انا فيني ريحه والا وسخ مااتروش
الكل:ههههههههههههههههههههههههههههههههههه
إياد:انا بروح ابدل واتروش بعدين انزل واتغدا
بوهيثم:اجلس تغدا ومرا وحده تطلع وماتنزل
إياد:انشالله
وجلس جنب هيثم
(إياد عمره 17 سنه يجننننننننننننننننننن شعره اصفر عيونه خضره وابيض...... البنات خاقه وراه وهو يسوي نفسه

احيانا يكون عربجي ومسوي شخصيه الرجال واحيانا يكون فالها ويحط جل يعني ماله شخصيه معينه طالع على مين هههههه)






هيثم بقرف:قوم الله ياخذك انت وريحتك
إياد:وش تبي اسوي..... لصقت فيني ريحتهم
هيثم يحط يده على خشمه:روح اجلس بعيد عني........ قوم غميتني
بوهيثم:تعال اجلس جنبي
جا إياد وجلس جنبه
بو هيثم حاول يستحمل بس ماقدر
:ياولدي روح تروش..... بعدين انزل تغدا
الكل:هههههههههههههههههههههههههههه
انكسر خاطره وطلع تروش
ونزل لقاهم جالسين في الصاله
هيثم:هههههههههه الحين تعال جنبي
إياد:والله ماني جالس جنب احد
بو هيثم:أفه في احد يزعل من ابوه واخوه
إياد:وانا وش ذنبي!! الريحه مومني
الصقت فيني غصب عني
بو هيثم:ادري ...مايحتاج تقول
ام هيثم :سعود
بو هيثم بحب:ياعيون سعود.. وفدا سعود ....وقلب سعود.... وعيونه المركبه .......اطلعها واعطيها لك
هثيم:الله الله مااقدر انت غلبت كل شباب الشرقيه والرياض والمملكه عامه
الكل:هههههههههههههههههههههههههههه
ام هيثم بأحراج:مو كأنك نسيت شي اليوم
بو هيثم قاعد يفكر:وشو؟؟؟ والله مااذكر!!!
ام هيثم ازعلت:أفه......... قدرت تنسه احنا اليوم بنكمل الخمسه والعشرين من تزوجنا
بو هيثم طق براسه:اوووووووووووووووو ......والله نسيت
هيثم يحاول يشوش"خبيث ههههههه"
:لا والله يبا مالك حق تنسى
ويلتفت يكلم امه:لا يمه اعذريني......
المفروض ماتكلمينه
ام هيثم صدقت على طول وقامت

بس بو هيثم مسك يدها وسحبها بقوه وطاحت على حضنه وهي مغمضه عيونها من الأحراج ^_*

بو هيثم تشقق من الوناسه:ياعيال غمضوا عيونكم
الكل:هههههههههههههههههههههههههههههههههه
إياد وهيثم ورافال يصفرون:ايووووووووووووووووووووووووه .....حركات ياسعووووووود
هيثم:بس لاتطول بسرعه....... مالنا خلق نغمض كثير
رفال وإياد:هههههههههههههههههههههههههههههه
بو هيثم لاحظ احراج زوجته ووخر عنها
وهي للحين منحرجه وجلست جنبه
بو هيثم يهمس لها:ياحرمه للحين منحرجه انا زوجك!! شوفي كم صار لنا من تزوجنا؟؟
وانتِ للحين منحرجه مني؟؟
{ام هيثم منزله عيونها}
هيثم كان قاط اذنه عليهم وسمعهم:
اجل يبا لمن تزوجتها كيف كانت؟؟
بو هيثم مستغرب:سمعتنا!!!
رفال:لا تخاف هذا هيثموه........... لازم يقط اذنه على إي احد
هيثم خزها:انتِ تعرفين تنطمين
إياد:ههههههههههههههههههههههه
رفال عصبت والتفتت له:سخيف
إياد:وانتِ اسخف
هيثم:ايوه يبا ماقلت لي؟؟
بو هيثم بأبتسامه:والله ياولدي..... كنت بالموت اسمع صوتها
هيثم:هههههههههههههههه ليكون زوجتي بتصير كذا وانا اقعد اكلم الجداران
رفال:اجل تبي البنت على طول تدق سوالف معاك
هيثم:ياحول انتِ وبعدين معاك
رفال جاتها فكره:يبا وشرايك نسوي لكم حفله بهالمناسبه؟؟
ام هيثم:ماتستحين.... شيفتنا بزران نسوي حفله!!
بو هيثم عجبته الفكره:وليش لا
ام هيثم استغربت:من جدك
بو هيثم دزها بخفيف:شفيك عشان نرجع شباب
مثل اول
الكل:هههههههههههههههههههههههههههه
رفال:والله يبا انك فالها
هيثم:اجل انا علي العشا
رفال:وانا علي الحلى والكيك
إياد:اممممممممممممممممم وانا اقهوي الضيوف
هيثم:لا كثرت على عمرك
إياد:اجل وش اسوي
رفال بسخريه:ترقص لهم
هيثم:هاهاها ماتضحك
رفال:انا ادري عنك .....اجل وش يسوي ؟؟
بالعكس عشان ترتاح





  رد مع اقتباس
قديم 11-08-2011, 05:29 PM   #2

عضو جديد
إرسال رسالة عبر Yahoo إلى صمت الغروب إرسال رسالة عبر Skype إلى صمت الغروب
افتراضي

مشكوررررررررر عل هذا القصة

تحياااااااااتى
  رد مع اقتباس

Powered by vBulletin™ Version 3.8.7
Copyright © 2014 vBulletin Solutions, Inc. All rights reserved.
Search Engine Optimization by vBSEO 3.6.0 Privacy Policy byجود
upmsha3ry
تصميم : دكتور ويب سايت